CHIRUMANZU – Musimbi ulamyaaka kkumi amusanu ayibili wakasungwa musule akuuma mwanike
wakwe (mwana wawisi) ulamyaaka kkumi amyaaka yotatwe mulwaano lutanazwida aatambalala.
Musimbi ooyu, uutakonzegwi kwaambwa zina, wakali waambila basilikani kuti mwanikwe wakwe wakali
walyaangilila mumusamu.
Pele, basilikani bakayeya kuti zyakaambwa aamusimbi ooyu tizyakalinzizyo aboobo bakabweza lufu oolu
mbuuli lwakujiigwa alimwi muntu mutaanzi ngubakayeyela muchizi wasikufwa ulamyaaka kkumi
amusanu ayibili.
Kulokutegwa mubuunsi bwa 29 Mukazimaziba mugunzi lyaGuchutu muMwaami Chirumanzu, musimbi
ulamyaaka kkumi amusanu ayibili wakazibya basilikani kuti mwanike wakwe wakali walyangilila
Basilikani nibakiinka kuyobona bakakujana kuti mwana mulombe wakali kulengelela aachiteyo alimwi
mazwi kaavungikene mpawo mawulu kaalyatide aansi. Wakaangidwe bubekebeke akole alimwi wakali
kuzwa bulowa kumulomo.
“Eezi zitondeezyo zyakaamba kuti wakali wajiigwa biya alimwi zikazyania akuti wakali walyangilila
mpawonya muchizi wakwe wakwe ulamyaaka kkumi amusanu ayibili wakabwezwa abasilikani mbuuli
sikuyeeyelwa kuti nguwe syaichite,” basilikani bakaamba oobo.
Mutunta wakatolwa kuMvuma District Hospital kuti ukalangwelangwe abasyabusongo.
Mulumbe ooyu wakasandwidwa kuzwa kuChikuwa aMidlands State University National Language
Institute (07/02/2023).
