Izulu liletha ukuthandabuza kuzulu

UZULU wemaphandleni eMatshetsheni ulokuthandabuza okukhulu ukuthi aqhubeke elima
amasimu ngenxa yezulu eselilesikhathi eside lingani endaweni yabo.
Izilimo besezibonakala zidanile ngenxa yokutshiswa kakhulu lilanga okucine kusenza
abalimi bathwale izibindi ngezandla ngoba sebeyibona indlala ingena emakhaya abo.
Omunye wabalimi uMnumzana Ozias Dube okhulume lentatheli zindaba uthe ukungani kuhle
kwezulu kulethe ukuthandabuza okukhulu ukuthi aqhubeke elima emasimini ngoba
kungasela themba lokuthi uzathola inzuzo emasimini akhe.
"Ngilokuthandabuza okukhulu njengomlimi ngoba amandla ethu alethwa lizulu. Ukungani
kwalo kuhle kwenza sehluleka ukuthi siqhubeke ngoba sesingasela themba lokuthola inzuzo
emasimini "kutsho uDube.
Omunye wabalimi uMnunzana Anold Ncube uthe wekelile ukulima indawo ebisele
ingalinywanga ensimini yakhe ngoba ilotshani abulondolozele izifuyo zakhe ukuze
zingabulawa yindlala.
"Ngilendawo emasimini elotshani engingazange ngiyilime engiyigcinele izifuyo zami ukuze
zingabulawa yindlala ngoba ukuna kwezulu kungacaci," kutsho uAnold Ncube.
Umlili uSihle Moyo uveze ukudana ethi ubekhangelele isivuno esingcono lonyaka kodwa
akusenzakalanga njengesifiso sakhe.
"Bengikhangelele isivuno esihle lonyaka kodwa ubulutshwana bezulu kungidanisile ngoba
kusehlisa inani lesivuno ebengisikhangelele" kutsho umaMoyo.