Bantu bobile bempuli yomwe bakazanga alimwi makkumi obile alamusanu amuntu womwe bakaba aachoolwe kusyaala kabachipona musule aakunywa munsamu wakusanzya mpuli mumuunzi wabo kuGokwe.
Kulokuyeeyelwa kuti Mharadza Mandaza aMhere Mandaza bakanywa munsamu alimwi abamwi makkumi aabali alamusanu amuntu womwe ngubakapegwa aamuntu ulyaamba kuti mung’anza ulamyaaka makkumi musanu amyaaka yobile (52) uutegwa nguSimbisai Mapuranga uuzwa kuRumwe, kuKadoma wakali waswaya kuzochita chiindo chakusanzya mpuli mu15 Kavumbikaniini chifumo muchiindi chahola lyane.
Wambwiida basilikani muMidlands baInspector Emmanuel Mahoko bakaamba kuti basilikani balokuyanduula mung’anza ooyu abeenzinyina basyazichite.
Mpuli yaMandaza bakalangilide kuchita chiindo chakusanzya mpuli mpawo bakayanduula lugwasyo lwasikuyeeyelwa mulandu baMapuranga.
Wakaamba kuti mung’anza ooyu wakazuzya mugomo wamunsamu wamweelo wamalita makkumi obile (20 litres) wakuti woonse wempuli anywe musule aakulewulula.
Boonse bempuli makkumi obile alamusanu abantu botatwe bakaliwo mubuzuba bwachiindo eechi kulokwaambwa kuti bakalewulula alimwi akunywa munsamu. Pele, bakaluka alimwi akuzilika kwamahola aakonzya kuba aatatu.
Bamwi bempuli bakanzinzunukwa pele Mharadza Mandaza aMhere Mandaza bakasyaala kabatabuki kuyoosika chiindi basy azichite nkabeenda kuya kuKadoma.
Nkani eeyi yakazibisigwa basilikani alimwi mitunta yobile eeyi yakatolwa kuChibbadela chaGokwe North kuti ikalangwe aminchina.
BaInsp. Mahoko bakasungwaazya banamunji banga balaba aaluzibo aatala abasyazichite baMapuranga abeenzinyina kuti bazibisye kufumbwa nkambe yabasilikani naa kubelesya kabbokesi kakuwaala tugwalo kalaafwiifwi ambabo.
Mulumbe ooyu wakasandwidwa kuzwa kuChikuwa aMidlands State University National Language Institute.
