Kabunga kaForestry Commission kasungwaazya basibulidilano ikampatila basimigodi kuti babe mbabo
baba kunembo mumanjezezya akubusilizya masena muchilikiti.
Basikusya kkuromu kuShurugwi balokuchelezya manjezezya aakubusilizya masena munzila zyakuti
balokubweeda lubo kukusya mumasena aakali abusilizigwa.
Muzuluzi waChilikiti wakabunga kaForestry Commission baRodrick Nyahwai bakaambila
basimutolatwaambo kubusena bwaRuchanyu Mine Dump Rehabilitation Centre kuti basimigodii
balokujaya lubo masena aakali abyalwa misamu.
BaNyahwai bakasyolooka kampatila aatala akubulika kwachiyandisyo chakubusilizya masena
kulokuchitwa abasimigodi aabo balokusya migodi yaaseme.
Bakaamba kuti mahhekita aamasena aayinda chuulu muchilikiti akakanyonyoonwa abasimigodi
bakkuromu nikuba kuti mahhekita kkumi lyomwe luzutu ngawo aakabusilizigwa kuzwa mumwaaka
wa2018.
Muzuluzi wakaamba kuti naa kwaba lugwasyo, manjezezya akuzyotolola bulewusi bwabasimigodi,
kubusilizya masena aasika mahhekita mwaanda mumwaaka kulakonzeka.
“Tatulokubona kugwasinkana kunji kuzwa kuli basimigodi mukwiinda munzila yakubyala misamu.
Twakaambuuzyania aabasimigodi pele bakaboola lubo kumwaya manjezezya eesu aakubusilizya
masena nikuba kuti bakasyomezya mbabo batabusilizye masena.
TONGA
Wakaamba kuti, “Tatuzisungwaazyi mbukunga tulokuchita zyoonse nzitukonzya kubusilizya masena”.
Nikuba boobo, baNyahwai bakalumbayizya migodi mipati Unki Mines, Mimosa Mining Company
antoomwe aSino Zimbabwe bakabusilizya masena mpubasowela tombe lizwa mumigodi musule aakuula
miziki yamisamu kuzwa kuKkomishini.
Wakaamba kuti busena bwaRuchanyu Mine Dump Rehabilitation Centre bwakatalika kubeleka mu2018
musule aakuti Minisita Uulangene waChilikiti aKuselezegwa KwaManguzu muZilikiti baSeneta Larry
Mavima bakakumbila kuti kweelede kubwezwe ntamo zyakuzyotolola kunyonyooka kwamasena.
Mulumbe ooyu wakasandwidwa kuzwa kuChikuwa aMidlands State University National Language
Institute
