Basikuzya bamuZimbabwe kubusena bwe Victoria Falls bakumbila basimulawu babusena
ikuti batondezye basikusambazya bamutala muZambia ikuti balemeke milawu yabusena
bwabo.
Imema luzwa ku Global Press Journal lulikutondezya kuti basikuzya bamutala muZambia
bakajanina kwindila mukujulwa kwabambana lweZimbabwe aZambia nkabaya kukuzya
miceelo azisyu ku Victoria Falls.
Bambana olu lwakalijalidwe mumunyaka wa 2020 nkakucitilwa kutabilila buvule kubulwazi
bwa coronavirus.
Basikuzya bamutala bazibinkene kabategwa mba mzanga, zyambakuti mwenzuma mumulaka
weciiNyanja, bataluka bbilici lya Victoria Falls nkabasika mu Zimbabwe ccifumo mazuba
onse kuzowuzya zisyu.
Sikuzya wamubusena obo, Sikhulile Ngwenya ulaminyaka ilikuumi, wambakuti umvwa
kujalilwa akucincwa mubumu bwakwe.
Basikuzya bamu Zambia buuzya miceelo azisyu amali ilansi nkambo batola mumyunda
ilafwifwi abambana wa Zimbabwe.
Bagwasilizyi bamu Zimbabwe balisungilizya kuti buuzye emali ilatala nkambo bajana
zyakuzya kumasena alikule mbuliku Lupane kwendwa makilomita ali myanda yobilwe
ilamakuumi alimusanu akamwi ilatune, kuBulawayo kwendwa makilomita alimyanda yone
ilamakuumi otatwe alamusanu, cimwi ciindi aku Harare kwendwa makilomita alimyanda
ilimusanu atutatu ilamakuumi alimusanu atubili ilatune.
Basikuzya bamubusena obo belede kubeleka nkabali amisika yabo, basikubbadale busena
kulibabo babulanga baku Victoria Falls, pesi basikuzya bamutala ma Zambian bonya
nkabenda amulyango.
“MaNgwenya wambakuti ubbadala US$ ikuumi lilamusanu akamwi amwezi kulabo balanga
busena. Wambakuti lockdown niyakasanguna walikujata mali isika US$ kuumi amusanu
nkisika kuma kuumi obile alamusanu abuzuba, pesi kwalino ujata mali ilimbuli US$ kuumi
nkisika kukuumi lilamusanu abuzuba”, wambobo Ngwenya.
“Nkambo basikuzya bamutala benda buzya muzinganda zyabantu, nkambo kako basikuula
tabacituswayi kumusika pe.
“Oku kwaba kulwanisigwa biya kubuumi bwesu nkambo tatucikonzyi kuuzya loko pe
nkambo banibusena belede balinde ma Zambian kuti buule kuli mbabo nkabakede kumanda
abo,”wambobo Mangwenya.
Grace Shoko, vice chairperson waku Zambezi Informal Cross Boarder Traders Association
(ZICBTA) wakati maZambian alikubabbida basikula babo.
ZICBTA yakatalika mu 2021 munyaka nkuya kukumana mu Victoria Falls kuti babambe
kabotu zyambo zilakati kabani busena abasikuzya bamu Zambia.
Naomi sikuzya wamutala muZambia, wamba kuti ubona nkakuli kabotu kuzizya mu
Zimbabwe nkambo zyeta mali nyingi kulakuzizya mu Zambia alimwi wuzya mu US$.
Wambakuti nasandula mali USD mumali yabo yamuZambia Kwacha cindi nabweda
kulimbabo, ujana mali nyingi loko.
Mercy Mushare, umwi wabasikuzya ku Mkhosana association, wambakuti bakacizya
basimulawu kuti babike abusena milawu ikwabilila basikuzya, wambobo.
“Tatulikwamba kuti ma Zambian baleke kuza kukuzya pe, pesi belede kujatilila kumilawu
njitujisilidi beni. Tabelede pe kuti bajanine kwinda ndiswe tobeni,” wambobo Mushare.
Bani busena bwa Victoria Falls, nikubabobo, bayoowa kuti kukasigwa kwabasikuzya ma
Zambian zilakonzya kuccisa bantu bamu Zimbabwe nkambo basikuzya bamubusena obo
banoli batansya mali zicisa loko.
