Kulabantu abesilisa abayisikhombisa abacatshileyo ngemva kokubulala omunye
abakhalene laye ngenxa yesikhwili sakudala.
Amapholisa ehluleka ukuthola ingcazelo ecacayo mayelana lembangela yokubulawa
kukaMabutho Moyo oleminyaka elitshumi lasitshiyangalombili (18) njalo aseeqalise
ukudinga bonke abasolwa abayisikhombisa okuthiwa baphatheka ekubulaweni
kukaMoyo.
Isikhulumeli Samapholisa Esabelweni u-Inspector Emmanual Mahoko uthe mhlaka-10
Mpandula ekuseni, u-Anafi Mhlanga (30) Wesigabeni seMakhumuzela ngaphansi
kweNduna uMalisa loGabriel Sibanda Wesigabeni seMkombo ngphansi kweNduna
uMalisa njalo bona bobabili asebebotshiwe bahlanganyela labanye abayisikhombisa
basebesiya lapho okuhlala khona uMoyo ukuyaxazulula udaba olungakavezwa.
U-Inspector Mahoko uthe, “Abasolelwa bathola uMoyo eloyise basebecela imvumo
yokuthi bahambe laye emapholiseni besithi bafuna ukuxazulula ukungezwani kwabo
beqamaba amanga. Uyise ongazange ananzelele ingozi umntwana ayekuyo wavuma,
abasolelwa bahamba loMoyo”.
Laba abayisitshiyagalolunye batshintshana ukutshaya uMoyo umzimba wonke
ngenqindi, impama kanye lezintambo endleleni baze bafika eGweru River.
Omunye wabasolelwa kuthiwa wagwaza uMoyo ngengqamu kanye ekhanda.
U-Inspector Mahoko uthe umfakazi owabona okwenzakalayo wabikela ezinye
izakhamizi ezathola uMoyo ethe daca phansi, esefile njalo elamanxeba umzimba
wonke.
Kwaziswa iZRP eSilobela njalo amapholisa abophe uMhlanga loSibanda asebencedisa
ekuphenyeni udaba lolu.
Kusenjalo, kolunye udaba, amapholisa eZhombe adinga indoda ecatshangelwa ukuthi
yagwaza enye indoda yafa kubangwa intombazana ngemva komdlalo webhola.
NDEBELE
Amapholisa athi mhlaka-10 Mpandula ngesikhathi sabo-18:30 ntambama, u-Enock
Mugagwi lentombazana Yesigabeni Senhengure, ngaphansi kweNduna uMalisa
eZhombe babevela emdlalweni webhola obuseNhengure Primary School.
Kuthiwa bahlangana loThemba Nyandeni oleminyaka engamatshumi amabili lanhlanu
(25) owazonda kakhulu ngemva kokucabangela ukuthi uMigagwi ubekhombisa
intombazana ake ayikhombisa laye.
Umsolelwa wakhipha ingqamu ye-okapi ebhulugweni lakhe wagwaza uMugagwi
esifubeni wabaleka. UMigagwi wawa wafa.
U-Inspector Mahoko unxuse umphakathi ongaba ulolwazi olungenza ukuthi uNyandeni
abotshwe ukuthu abike enkambeni yamapholisa eseduzane laye.
Indaba le ihumutshelwe elimini lwesiNdebele yiMidlands State University
National Language Institute.
