DOMBO-Abahlali beGwanda esigabeni sikaward 15 bakhala ngobunyonyo osobuhlasele izakhamizi
endaweni ezehlukeneyo ezibalisa iNkalange,Thibeli,Maphula,Zwabagwamba Selonga kanye
leMbuzimbili.
Omunye wabahlali bakulindawo umama uMpamba Sibanda ukhulume lentanteli zindaba yoMsakazo
kazulu ebabaza ngendlela lobubunyonyo obubaqedele izifuyo ngayo.
Ngicine ukuba lamatsiyane ngomnyaka ophelileyo izulu lingakani lithe selinile kwavela ubunyonyo.
Ubunyonyo buhlasela inkukhu ezifukamayo leziyabe zicacadile ziqhuba amatshiyane.
Uqhubekele phambili esithi izulu liyinto enhle ethandwa nguye wonke umuntu kodwa liqala ukuna
kasisafuyi kuhle sihlalela evalweni ikakhulu nxa imbuzi zilamabele ngoba ingazalela egangeni
ingabonwanga muntu kaliphili izinyane".
Omunye wezakhamizi uNkosikazi Liznet Moyo ugcizelele esithi, Lezi zibungwana ziluhlupho kakhulu
zihlasele amadonki ami ngingakakunanzeleli ukuthi yikho ngezibonakaliso akade ngizibona ngemva
kokuba besengibhode kumapara vet abahamba esikolo sokulondolozwa lokugcinwa kwemfuyo
kanye leVeterinary service ngasengilayelwa ngomunye umlimi ukuba yibunyonyo lobu okuthiwa
ngomaleleka okufikisa isifuyo ebangeni lokuthi kasiyenelisi ukulahla ubulongwe sibgancediswanga .
Nxa izulu linile sokukhudumala buyaphuma phansi emlindini buhlasele labantwana okwenza
umphakathi ucine susebenzisa amamosquito net emnyango yezindlu ngoba iyiyo esivikela ngcono
lobubunyonyo.
Bakhala ngokuthi ngabe kuyenzeka ukuba kutholakale umuthi wokusebenzisa oqondileyo ukuze
kuvikelwe lobubunyonyo ngoba buyahlasela lensimini okwenza intanga,amazambane kanye
lendlubu kungatheli kakuhle.
